पहिलो जनजाति प्रधानसेनापति -   छत्रमान सिँह तमु Chhatraman Sigh Gurung (Tamu)

 (प्रधानसेनापति रुकमांगद कटवाल र कामु प्रधानसेनापति छत्रमान सिँह तमु जिम्‍मेवारी हस्‍तान्‍तरण नोटमा हस्‍ताक्षर गर्दै, दायाँ कामु प्रधानसेनापति छत्रमान सिँह तमु)

मन्त्री परिषदको गत अगष्ट ९ तारिख, आइतबार बसेको बैठकले बलाधिकृत रथी छत्रमान सिँह तमुलाई कायममुकायम प्रधानसेनापतिमा नियुक्त गरेको थियो । त्यसैगरी सोही बैठकले प्रधानसेनापति रुकमांगद कटवालको विदा स्वीकृत गरेको थियो । अवकाश पाउनुअघि एक महिना बिदा बस्ने सेनाको चलन अनुसार कटवालको विदा स्वीकृत गरिएको हो । एक

महिना नियमित बिदा स्वीकृत भएपश्चात प्रधानसेनापति रुकमांगत कटवालले कामु प्रधानसेनापति छत्रमान सिँह तमुलाई प्रधानसेनापतिको सम्पूर्ण जिम्मेवारी हस्तारण गरेका थिए । तमुले गत अगष्ट १० तारिख, सोमबारदेखि कायममुमायम प्रधानसेनापतिको कार्यभार सम्हाल्दै आएकोछ भने प्रधानसेनापति कटवाल हाल एक महिना नियमित बिदामा छन् । कटवाल भदौ २५ गतेदेखि उमेर हदका कारण सेवा निवृत्त हुदैछन् । सो अनुसार तमुले भदौ २५(सेप्टेम्बर ९ तारिख) देखि प्रधानसेनापति सम्हाल्ने भएकोछ ।

मन्त्रीपरिषदको बैठकले रथी छत्रमान सिँह तमुलाई कायममुकायम प्रधानसेनापतिमा नियुक्त गरेपछि उनी पहिलो जनजाति कामु प्रधानसेनापति बनेका हुन् । झण्डै अढाई सय वर्षको नेपालको सैनिक इतिहासमा झागल तमु र अंगद घलेपछि सेनाको उच्च पदमा आदिवासी जनजाति र जनसाधारणको छोरा पुगेको यो पहिलो अवसर हो ।

यसअघि उच्च घरानिया पृष्ठभूमिका शाह, राणा र क्षेत्री सेनापति बन्दै आएका थिए भने ओखलढुंगामा जन्मेका रुकमांगद कटवाल राजा महेन्द्रका धर्मपुत्र र रानी रत्नको संरक्षणमा दरबारमा हुर्केका थिए ।
    
तनहुँको पुलिम दाङमा जन्मिएका तमुले २०२८ सालमा नेपाली सेनामा प्रवेश गरेका हुन् । तमुले भारतको मिलीटरी एकेडेमी देहरादुनबाट आधारभूत अधिकृत तालिम, अमेरिकाबाट स्टाफ कलेज र चीनबाट नेशनल डिफेन्स कोर्ष गरेका छन् भने त्रिचन्द्र क्याम्पसबाट स्नातक गरेका हुन् । 
    
छत्रमान सिँह तमु सेनाभित्र बौद्धिक, इमान्दार, ब्ल्याकबेल्ट तथा असल एवं सच्चा आर्मी जर्नेल भनेर चिनिन्छन् ।
कामु प्रधानसेनापति तमुलाई नेपाली जनजाती संघ कानडा को हार्दिक बधाई तथा सफलताको कामना ।